KATEA

Liburu sakratua irakurtzea zerura begira egotea

izarrei genitalak ukitzea ihes egitea

buztinezko ontzietan esaldiak gordetzea

iraultzari buruz kafeari buruz

galeriaren amaieran argiak nahasten dira

polenak nahasten diren antzera

udaberri asmatuetan eta errealetan

ibaia lotsatu egiten da arrantzaleek sareak

botatzen dizkiotenean sekreturik sakonena

bortxatuz lapurtuz aurkituz

ahalegindu zaitez intxaurrondoaren loraldia geratzen

ikusiko duzu zelan ezinezkoa den

eta esfingeak katu homosexualen artean pozik

bizi dira geldi

loraldia bortxatzen lapurtzen aurkitzen ahalegindu zaitez

ikusiko duzu ezinezkoa dela

sekreturik sakonena da sarea ibai lotsatian

polena nahasten da galeriaren amaierako argiarekin

izarrei genitalak ukituz zerura begira

liburu sakratua itxi eta ihes egin dezakezun

momentu berean.