Berbak legezko aiztoak
Berbak legezko aiztoak
1990, poesia
54 orrialde
84-86766-29-X
azala: Joanes Urkixo
Joanes Urkixo
1955, Bilbo
 
 

 

20

 

Hartu nire eskuak eta mun egien

ez zeukaten odolik mailuki ustelak baizik

merkatuko sasilore saltzailearen izerdia

 

Heldu nazan eskutik eta ihes egin nirekin

Bilgailua gasolinaz bete eta motorea

martxan jarririk hiritik ihes

Han txakurrak odol hotzean hil eta

hari elektrikoetan urkatzen dituzten hiritik ihes

Han olio ibaien goaia

trenbide izoztuaren gainetik

bide egiten duen hiritik ihes

 

So egien nire begiei eta han ikusi

ero naizen hau minutuen orratzari segika

kale mortu eguzkigabeetan barrena

So egien munstroei

hantxe zeuden zaunka gure aztarnetan usnan

So egien baina gu biok hala ere

bide ertzean cannabis lorean high eta

nekez egingo dinate gure gurpilek bira

bihar goizeko urrearen gezien azpian