12

Haizeteak orre dagi

leihoetako gibelate herdoilduetan

goizeon suzko arnas bat darigu

erraietatik ezpainetara

eta ur istiltsuak astintzen ari dira artega

nire oinpetan.

Salgai depreziatu mordo honen bitartean

hotsa

gor eta mutu datorkit

(gizarte metalikoaren hotsa)

eta haren isladaren kulunkan

eztialdi arrotz batek estali nau poliki-poliki

eguzkiaren urre gartsua nire zainetan barreiatuz

haizearen bihurguneetan nire ilea

sakabanatuz