6

Hire begiak etxe zabalak ditun

non ilargiak ezkutatzen duen

armiarma baten haria zilarrezko antsia

Zein poliki estutzen ditunan ezpainak

edo barrez lehertu

naizen arrotz honen ondoan eserita

Biluztu haiz eta eguna amaitu

Abegi dagiogu gauari gogoz

goizak elkarrengandik banatuko bait gaitin

Etsipenez abordatuko dizkinat hire erraiak

baina gauaren oihalak hedatzean

hire larruaren itsaso barean zeharka abiatuko

hire sexuaren bikezko usain onaren bultzadan

ilunpeko gordelekuren batean

nire ametsak ahaztuta utzirik

Joan huen inularra

eta bere buztanean eraman gaua

Egunsentiarekin batera

euria zetorren berriro

nire gogaetak eramanez

kalean behera