Gaur ez zeukeagu sapairik non babestu

eta hotza zetorrek

urrutitik nabaritzen zioat

gorputz jelatuen bizkarezurrez eginiko mantua

eta gosez zetorrek

lautada idorretan loratutako izotza

ahoan

hurbiltzean argalegi gaudela esango zioagu

eta agian ahaztuko gaitu

badakik

sumendi baten arima izatea gustatuko zitzaidakean

aurre egiteko

hala bihurtuko bait niake

garaitu ondoren

hotzaren hatsa janari

eta marrubi tarta egingo geniake bere begiez

bere hatzak oilasko erre

baina zoritxarrez gaur ez zeukeagu

erregua baino

loak lagun onar gaitzala bere maindiretan