Nire alaba eta sagar tarta

Zati bat jarri dit labetik

atera berria. Lurruna dario

goiko arrailduretatik. Azukre bizigarria

—kanela—, azalean kurruskari.

Baina betaurreko beltzak daramatza

sukaldean goizeko hamarretan,

dena ongi doan itxuran.

Tartari puska kendu, aho parera eraman

eta putz egin diot. Nire alabaren sukaldean,

neguan. Sardexka iltzatu diot tartari,

nire buruari esanez ez nukeela muturrik sartu behar.

Alabak dio maite duela mutil hori. Ezin zuen

okerragoa izan.