Poesia kaiera
Poesia kaiera
Cesare Pavese
itzulpena: Ion Olano Carlos
2019, poesia
64 orrialde
978-84-17051-27-3
Cesare Pavese
1908-1950
 
 

 

The night you slept

 

Hire antza din gauak ere,

mutu negar dagien gau urrunak,

bihotz sakonaren barrenean,

eta akiturik igaro ditun izarrak.

Masailak ukitu din masaila…

hotzikara dun, norbait

ahaleginean ari zain erreguka, bakarrik,

higan galdurik, hire sukarretan.

 

Sufritzen eta gutiziatzen din goiz albak,

asaldatzen haizen bihotz gaixo.

Oi, bisaia hertsi, larrimin ilun,

izarrak atsekabetzen dituen sukar,

bazagon hire antzera goiz albari itxaroten dionik,

hire bisaia miatuz iluntasunean.

Etzanda hago gauaren azpian

ortzimuga hertsi eta mortu baten antzera.

Asaldatzen haizen bihotz gaixo,

egun urrun batez hi izan hintzen egunsentia.