Poesia kaiera
Poesia kaiera
Yannis Ritsos
itzulpena: Joannes Jauregi
2018, poesia
64 orrialde
978-84-17051-18-1
Yannis Ritsos
1909-1990
 
 

 

Orfeori

 

Uda honetan, Liraren konstelazioaren azpian, pentsakor bizi gara.

Zertarako sorginduko ote zenituen kantuz

Hades eta Pertsefone, Euridize ostera ekar ziezazuten?

Zeuk, zeure ahalean sinetsi gabe, atzera begiratu zenuen, ziur egoteko,

eta makalen azpiko itzalen erreinuan desagertu zen berriz.

 

               Orduan, ezinezkoa saiatzeak makurturik, liraz aldarrikatu zenuen

bakardadea zela azken egia behin betikoa. Hori ez dizute barkatzen

jainkoek, ezta gizakiek ere. Menadeek gorputza zatikatu zizuten

Ebros ibaiaren ur-bazterrean. Zure lira eta burua soilik iritsi ziren Lesbosera,

korrontearen indarrez. Zertarako, bada, zure kantua?

Beharbada noizbait (eta orduan ere itxuraz) lotu zirelako argia eta iluna?

 

Edo Musek zure Lira zintzilikatu zutelako izarren artean?

 

Konstelazio honen azpian, uda honetan, pentsakor bizi gara.