Poesia kaiera
Poesia kaiera
Chuya Nakahara
itzulpena: Hiromi Yoshida
2017, poesia
64 orrialde
978-84-17051-03-7
Chuya Nakahara
1907-1937
 
 

 

Gaua aurrera

 

Utsumi Kenichiro-ri

 

Ilundu ahala, auzoko bainuetxean

     urak hartzen ari direnen hotsak entzuten dira gauero.

Ur beroaren jarioa lurrunetan gora-gora,

     antzinako Musashino eskualdeko gau beltza da.

Behelainoa han da, bare,

     ilargiaren argitasuna bistatzen da gainean

eta, deblauki, zakur zaunkak entzuten urrun.

 

Aldarte hori izaten dut

     amets lausoa egiten dudanean sutondoan.

Dagoeneko… lehengoa ez naizen arren…,

     oraindik barruan dudan bihotzaren samurra

ahapeka hitz egiten hasten zait gaur bezalako gauetan eta,

     esker onez, hari egoten natzaio adi,

esker onez, hari egoten natzaio adi.