Heriofuga

Egunsentiko esne beltza arratsean edaten dugu

goizean eta eguerdian edaten gauean edaten dugu

edan eta edan

hilobi bat zulatzen dugu haizean han estutasunik ez

Gizon bat bizi da etxean sugeekin jolasten da idatzi egiten du

Alemanian iluntzen duenean idazten du hire urrezko ilea Margarete

idazten du eta atarira irteten da eta izarrak dirdirka ari dira

bere zakurrei txistu egiten die

txistu egiten die bere juduei irteteko hilobi bat zulatzen ipintzen ditu

jotzeko agintzen digu dantza egiteko

Egunsentiko esne beltza gauean edaten zaitugu

goizean eta eguerdian edaten arratsean edaten zaitugu

edan eta edan

Gizon bat bizi da etxean sugeekin jolasten da idatzi egiten du

Alemanian iluntzen duenean idazten du hire urrezko ilea Margarete

hire errautsezko ilea Sulamith hilobi bat zulatzen dugu haizean han estutasunik ez

Sakonago zulatu lurra oihu dagi eta zuek kanta ezazue jo ezazue

bere gerriko burdina hartu eta astintzen du begi urdinak dauzka

Sakonago zulatu lurra oihu dagigu eta zuek jo ezazue dantzarako.

Egunsentiko esne beltza gauean edaten zaitugu

goizean eta eguerdian edaten arratsean edaten zaitugu

edan eta edan

Gizon bat bizi da etxean hire urrezko ilea Margarete

hire errautsezko ilea Sulamith sugeekin jolasten da

oihu dagigu jo ezazue gozoago heriotza heriotza Alemaniako maisu bat da

oihu dagigu jo ezazue ilunago biolina eta orduan airean gora joanen zarete

kearen antzera

hodeietan hilobi bat izanen duzue orduan han estutasunik ez

Egunsentiko esne beltza arratsean edaten zaitugu

eguerdian edaten zaitugu heriotza

Alemaniako maisu bat da begi urdinak dauzka

berunezko balaz tiro egiten dizu ez du hutsik egiten

gizon bat bizi da etxean hire urrezko ilea Margarete

bere zakurrak xaxatzen dizkigu hilobi bat oparitzen digu airean

sugeekin jolasten da eta amets dagi heriotza Alemaniako maisu bat da

hire urrezko ilea Margarete

hire errautsezko ilea Sulamith