Poesia kaiera
Poesia kaiera
Emily Dickinson
itzulpena: Angel Erro
2014, poesia
64 orrialde
978-84-92468-60-7
Emily Dickinson
1830-1886
 
 

 

598 (514)

 

Hiru aldiz — banandu ginen — Arnasa — eta Ni —

Hiru aldiz — ez zuen alde egin behar —

Baina behartu zen Hauspo bizigabeari eragiten —

Urek gelditu nahi zuten Hauspoari.

 

Hiru aldiz — Hodeiek aireratu ninduten —

Gero harrapatu — Pilota banintz bezala —

Eta imintzio Urdinak egin zizkidaten aurpegira —

Eta urrun bultzatu zuten bela bat

 

Hortik legoa askotara zegoena —

Gogoko nuen begiratzea — pentsatuz —

Hiltzen nintzen bitartean — zeinen atsegina den

Giza aurpegidun Zerbaiti so egitea —

 

Uhinak baretu ziren — Arnasa — ez —

Haizeak — umeak bezala — lokartu —

Orduan Eguzkiak ene Krisalidari muxu —

Eta ni zutitu nintzen — eta bizi —