Poesia kaiera
Poesia kaiera
Maria Merce Marçal
itzulpena: Itxaro Borda
2014, poesia
64 orrialde
978-84-92468-53-9
Maria Merce Marçal
1952-1998
 
 

 

Erditu zaitut

 

Bizia minez sortu zaitut

atseginez erditu zaitut.

Hitz bakoitzaren errateko

uztaia luzatu behar dut.

Liburua zuri dago

eta atzean utzi ditudan

bide ikusezinak

jan ditut jarraian

Denboraren karakolak.

Ez jakin arren badakit.

Ez dizu ebaslearen pare,

gauez, gordeka,

giltza itsas hondora

aurtiki eta nire oihana

erretzen zuen suak

bizia eman.

Ez, niaren sugea da

Oldartu hain isil,

zirimola artean,

eta ilunpe itsu, su, itsaso,

haize, lur eta huntzostozko

zerrailu guztiak giltzarik gabe

zabaldu ditu.

Bizia minez sortu dizut,

odola haustear daukan

geziaren

atseginez erditu zaitut.