Portu bako potaren kanta

Urak jasminak ostu dizkio

gau beilegiaren bihotzari.

Penaren terraza gorenetan

gatzezko bokata lats zuria.

Zu, ni eta portu bako pota

txirikorda beltzaren antzera.

Zu, ni eta portu bako pota

banderarik gabeko ontzian.

Belea, amiltze sakonean,

itsas txoriak barra luzean.

Maitasun ikatza begietan

txirikorda beltzaren antzera.

Maitasun ikatza begietan

eta begiak bete tristuraz.

Bai eta tristura itsasoan,

itsasoa ilargi itsuan.

Eta ilargia haizeen men

txirikorda beltzaren antzera.