Poesia kaiera
Poesia kaiera
2002, poesia
64 orrialde
84-95511-37-1
Luigi Anselmi
1954, Bilbo
 
 

 

Hiria eraikitzean...

 

Hiria eraikitzean

aharrausi egin zuten

mendi urrunek, lokartu

bailarak laino azpian,

eta zeru goibelak

eutsi zion hatsari

iltza ez zekizkion

bularrean dorreak.

 

Hiria eraikitzean

euli beltzek uxatu

zituzten tximeletak,

ibaiari lausotu

zitzaizkion begiak,

usoei uhertu

hegaletako lumak

eta, izarrak iraungiz,

etxe zokoetako

lipu beltzak jabetu

egin ziren ortziaz...

 

Hiria eraikitzean

kaioletako hesiek

zirriborratu zuten

zuhaitz eta txorien

arteko aire gardena,

eta mendeetan zehar

jitoan ari ondoren,

munduan barreiatu

arratoi beltzak oro

Jainkoak behin agindu

aberrira heldu ziren.

 

w1988