gau-giro

Ilargiaren azkazal zorrotzak

larrutzen duenean arratsa

eta izar lakarrek harramazkatzen

mendiko abar iharrak,

desegin egiten dira ilunpetan etxeak,

diharduenean hotzak hiltzen

sukaldeko leihoaren argi erreak.

Lurraren azpiko oihartzun gorrak

galduta dabiltzan tren baldarrak

hurrupatzen ohi omen,

eta errainuen artean hor nonbait:

txatartegi bat gainezka,

sateliteak zilipurdika,

eta irratia,

distiraz irakiten.

        w1985