Poesia kaiera
Poesia kaiera
2002, poesia
64 orrialde
84-95511-30-4
Mikel Lasa
1938, Donostia
 
 

TX.E.ri

 

Paisaje pasarteak laino urratu gisa

burutik zaizkit iragan geldiro

zine mutua antzo oroimena hustu beharrez.

 

Gure etxea mueble gabe zegoen hustua

arima gabetua biluzia

haizearen ulua ozenago zedin

isla bitarte hartan.

 

Kaioek abiada handian agurtu ninduten

itsas gaineko zeru zolan joan-itzulietan

gris hitsean galdu bitartean.

 

Lokarri ikusezinaz inguratu ninduten

hegazti ankerrek inguruka ta inguruka

besteengandik bereizi ahaleginetan.

 

Oinazearen tantak etengabe zerien.

 

Isurtegia zen etxe guztia.

 

w1968