Poesia kaiera
Poesia kaiera
2001, poesia
64 orrialde
84-95511-29-0
Jon Mirande
1925, Paris
1972, Paris
 
 

Eresi

 

Aineza gal bizia goiz batez

Iskiludun, isil eta zutik

Guduan, lur zahar hunen maitez,

Mendietan, etsaien eskutik.

 

Ainendi hil gaztaroan, nihaur,

Ikurrinik et' ikurrik gabe,

Ezpainetan otoitzik ez, burrau

Itzalik ez, baikor, ez herabe.

 

Ainitza gal hats, arima, odol,

Hiretako, nire jainko-eidol

Zaharra, Lur!, mendi-gudu baten,

 

Iguzkiek, inguruz inguru

Ene soin haur, berriz sor aiduru

Hiretan lo, garrez jo lezaten.

 

w1951

Musika:  Bixente Martinez (1979)

        Niko Etxart (1983)