Poesia kaiera
Poesia kaiera
2001, poesia
64 orrialde
84-95511-27-4
Felipe Juaristi
1957, Azkoitia
 
 

Urezponda

 

Ibaiaren ezponda banatan etzaten ziren orduan,

Zehazten erraza baitzen garai hartan mundua,

Inongo ñabardurarik ezean,

Zuri edo beltzaren arteko zerumugan:

Segundo eta minutuek 2 dimentsio;

Iparra eta hegoaz gain, beste punturik ez,

Denboraren errepide zirkularraz baturik.

Eta elkarri gorroto zioten arren,

Urak bereizten zituela ikusten zuten,

Hitzak bakardadean itotzen zitzaizkiela.

Baina ez ziren mugitu

Urak egin zuenean gora.

 

w1997