Ez gaitun frontera joanen

Ez zionagu elkarri agurrik esanen

Ez dinagu keinurik egokituren.

                                    ispilu aurrean

                                    (verrà la morte

                                                          e

                                    avrà i tuoi occhi)

Ez gaitun frontera joanen

                                    ez

Kaioena izanen kaia

                            eta padura

(higi ezazu eskuren bat

—begiak itxita—

astiro

paduran lurreratzekotan den

kaioak hegalak bezala

astiro

Higi ezazu leun eskua)

Kaioena padura hustua

gorantza astiro datozkeen ur ferdeen

ibarretan

(labanak dagoz odolaren

ibarretan)

Beste hegaztirik ez

eta ez din inork ere

higituko eskurik

inoren ezpainak ferekatzearren

(eskua airean pausatu da,

geldi baina dardakadan

Negar egiteko eskubidea duzu)

Adats zinbela delakoan padurako

sahatsen hostogaina

bertara hegaldatuko ditun

kaioak

hire eskuak

buruko basoan barrena

lez

Ez gaitun frontera joanen

Ez dun hegaztirik izanen

(ardura barik idazten dut

                            astiro)

Kaioena padura hustua eta ez

din euri oblikuorik ari izanen

(Atravessa esta paisagem o meu sonho

                              dum porto infinito)

Padurak baino ez eta

begiak

          ehiztaririk trebeenak

argiaren begiari begiratu ezinik

(ez gaitun frontera joanen)

Verrà la morte e

avrà i tuoi occhi

Ez gaitun frontera joanen

ez zionagu keinurik egokituren

                  ispiluaren aurrean.

w1988