Poesia kaiera
Poesia kaiera
2001, poesia
64 orrialde
84-95511-23-1
Amaia Lasa
1948, Getaria
 
 

Irudi onari ihesi

 

Bart

goizeko hiruretan

hego haizeak astintzen zuen unean

talgo bat hartu genuen

                                tango eta guzti

                                                      irudi onari ihesi.

 

Hitzik gabeko

                    aho ederrak

Laztanik gabeko

                        ezpain liluragarriak

Haragirik gabeko

                        begi politak

Sexurik gabeko

                      pertsonak

Pentsamendurik gabeko

                                  buruak

Izpiriturik gabeko

                          arimak

Imajinaziorik gabeko

                              imajinak.

 

Bart

      edonora

                    ihesi gindoazen.

 

Gure zerua grisa zen, baina

belar orlegiz estalitako basoetan

eguzkiaren bila ibiltzen ginen.

Maitasunez maitemindurik bizi ginen

eta ilargia ateratzen zen gauetan eta

besteetan

egiaren bila ibiltzen ginen.

 

Ihesi gindoazen

                      bart.

 

Irudi on

            ustelduak

                            herioa dariote.

 

Bart

      talgo bat hartu genuen

itxura onik ez zuen

                            infernu

                                      batera

                                                bederen.

 

w1988