Nola xin, kala fan

Erronkariko ibaxa

oi zer ibax handia!

Zazpi hiri berex

batruk zazpiak,

                                  aretxak, biltzarrak

                                  guziuak bat

                                  guziuak igual

                                  bagoak eta lerrak,

                                  ardien xaxgiua

                                  gairon gairona

                                  otso eta hartza, ardaua, ganzta

                                  almadiak eta zunrezko trafikiua,

                                  kantxoin xaharra

                                  ttun-ttuna eta iantzak

                                  andere ederrak

                                  kikosoa eta zorria,

                                  korietarik

                                  eta beste anitxetarik

                                  ez ote obrorik?

Nola xin, kala fan

konek merezi du

erratea anixkotan,

heltu bikala

aitzina fan,

Erronkariko neabea

jein eta jabea

ez tuzia elerran nahi

aspaldiko mintzoa?

                                  Ezka eta Ezkaurre

                                  mila urtetan aurrez aurre,

                                  erraidaitazu mendi Ezkaurre

                                  argizai beteko gai luzeetan

                                  zure beitarte dundua

                                  Ezkaren ur garbieki

                                  amodiozko mattoan josia tzularik

                                  zer ele-erranez ari zreia?

                                  Zer elez Belaguako mozoloak

                                  bortiuko belaginak

                                  neskenegunetan akelarrean

                                  elkartzen zreitenean?

                                  Hodeiak, durrundak eta erraizoa

                                  egin zazei erauntsia,

                                  errekak, ugatxak

                                  arbolak eta mendiak

                                  izorrotan dokezuen indarra

                                  noiz erki behar tuzei?

Nablara batez eskiuan hartruk

moztu omen zeitzien buriua

Abderramanen semea,

moztu deikuie mihia

erronkariko jentia,

                                  eta artzainak bortiuan

                                  kango onletan baratra

                                  xitan dren xuberotarreki

                                  erdaraz ari dra

ai! Mendigatxa handia

uskarareki fan zinena

zu bikala

ekun izan bagunu dozena!

                                  Nik zureki nahi nokezu

                                  Uztrotzeko neskatila

                                  bortiura fan igartra xunto

                                  iturrira fan

                                  ur berriaren bila,

                                  erraidaitazu Ederra

                                  bortiura zoazilarik

                                  ez tuzia kandik ekustan

                                  uskara abantxu hilik

                                  kemendik badoaiela?

                                  Ez tuzia sentitan negarra

                                  kan goiti uskara

                                  kemen beheiti erdara?

Uskara gaixoa norat yoa

Erronkaritik urrin

beste lekuetra?

Gatxa ote da yiretako

kebengo negiua?

Erronkariko negiua

tenpra luzeegia,

noiz heltuko da

guziuendako bedatsia?

w1975-76