Poesia kaiera
Poesia kaiera
2001, poesia
64 orrialde
84-95511-21-5
Bitoriano Gandiaga
1928, Mendata
2001, Arantzazu
 
 

Beti zaroataz

neugaz, Arantzazu,

itzi-samin bakar,

gomuta argi gozo,

kantu-kili legun,

ames-orpo mardo...

Bideotan yoran

zaitut, ezin aaztu.

 

Bazter ezkutuko

gerizpe loretu,

zeugan edatu zan

nire gazte aro

Andrane Mari ta

bertso-zale zoro...

Bideotan yoran

zaitut, ezin aaztu.

 

Zenbat bider zure

torreoi begira,

ikastaldi sorrak

amaitu ondoan,

begi nekatuok

ziran atsegindu...

Bideotan yoran

zaitut, ezin aaztu.

 

Urrungo orduotan

biotz larri onek

nai leuke gozartu

orduko bakea.

Elorri zaar altu,

gerizpe eder ori!...

Bideotan yoran

zaitut, ezin aaztu.

 

w1961