Begiratu dot, ta, ixiltasunak

bakartasunez bildurik nauka.

Klaustro mortuan gelditasuna:

aize gabeko ur lo bat dago.

Ez dagi arnas aide argiak

ez-ta zirkiñik mututasunak.

Noizik-beiñeko pausoek, praille bakarra,

gereiza dira..., gauza baiño.

Sortzen ez diran berbak badautse begirunerik

zerraldo datzan aide zuri ta santuari.

Begiok emen. Begiok, diñot,

eta arimea jabetu jataz, entzumen utsez,

amestu nitun bazterrak baiño arutzagoz.

Eta biotzak

komentutzar au, neurea, diño,

gogobete ta nagusikiro,

berekaxa.

w1961