Poesia kaiera
Poesia kaiera
2000, poesia
64 orrialde
84-95511-18-5
Patziku Perurena
1959, Goizueta
 
 

Elurraren memoria

 

Begi izuak elkarren bila hitzik gabeko hizketan,

Irudipenen kristal urdinak bihotzez xehetuz printzetan,

Sentimentuak nahaspiltzen doaz begiz begiko liztetan,

Zentzu libreak trabatu arte maitasunaren krisketan. (bis)

 

Udatzeneko larre lehuna, amoranteen sehaska,

Gorputz zuriak etzaten dira hego haizetan besarka,

Esku ikarak zokorik zoko larru gainean presaka,

Aho batean bi mundu urtzen mingainak esamesaka, (bis)

 

Haragiaren ibai hazitan odol uholde gorriak,

Suzko zainetan tristura urtuz atseginez etorriak,

Itsas beroan irakin alen elurraren memoriak,

Mila arantzetan zabaldu nahi du plazerraren elorriak. (bis)

 

w 1990