Poesia kaiera
Poesia kaiera
2000, poesia
64 orrialde
84-95511-18-5
Patziku Perurena
1959, Goizueta
 
 

Atzen gaua

 

Irudimenen ispillua da

Ceru urdiñeco esfera,

Izar zuriac atera dira

Gau fantasien esquera,

Ene gogoa saltoca dabill

Amets batetic bestera.

 

Ohitura zaharrec zapaltzen dute

Amets zurien corola,

Urac darama alperricaco

Pentsamenduen odola,

Yoco ciquiña besteric ez da

Gure munduco tonbola.

 

Arrazoi zaharrec mugatzen dute

Gure bicitza astuna,

Guezurra guezur gaiñean yarriz

Yoan zaigu guizatasuna,

Sofrimenduen jiran bilduaz

Denboraren eraztuna.

 

Arrats illuna lutuz yantzi du

Negu beltzaren tronoac,

Agoniaren dizdira dacar

Itsas gaiñeco bromoac,

Atzen hostoac hegan dabiltza:

Heriotzaren cromoac.

 

w 1988