Poesia kaiera
Poesia kaiera
2000, poesia
64 orrialde
84-95511-18-5
Patziku Perurena
1959, Goizueta
 
 

Gauaren lillura gopla lucetan

 

Hautsi omen da anfora

Itsasperatu bafora...

Gizonac egunez ecin asmatu du

Bicitzaren metafora.

 

Illunpeko argui printzac

Cillarrez bustiac ihintzac...

Ixiltasunaren axala marrazten

Hauts bide zuritan sitsac.

 

Ceruaren urdiñ hutsa

Gauaren larru bilutsa...

Irudimenaren lurralde urruna

Hitzic gabeco hizcuntza.

 

Ur gaiñean hillarguia

Odolezco estalquia...

Argui erraiñuen lillura gorrizta

Arratsaren nostalgia.

 

Zumar itzalen illadac

Ibai ertzeco isladac...

Uraren cantuac neurtzen dittu gauez

Atseguiñaren silabac.

 

Gauaren argui-hacia

Izar zurien gracia...

Elurrezco letretan inprimatua

Ceru urdiñeco grafia.

 

Argui horizten irrica

Illun-larruan dirdirca...

Brisa leunac aidean zabaltzen du

Hillarguiaren lirica.

 

Ceru beltzarre goibela

Hodei illunen gaubela...

Milla quiribilletan dantzan dabilla

Chistuca hegan horbela.

 

Butzuetan ur gueldia

Lur beroen icerdia...

Baso beltzean cantatzen dute hontzec

Illunaren tragedia.

 

Hosto berdasca horiac

Ur gaiñera eroriac...

Udazquen aldean ahaztuta utziac

Haicearen memoriac.

 

Goiz arguien ironia

Illunaren agonia...

Errecondoetan musica zuria

Izotzaren sinfonia.

 

Argui ezquillen danbada

Ocena ta zabala da...

Ibar lucean galtzen da oihartzuna

Gau tristuraren balada.

 

w 1988