Poema antologia
Poema antologia
W.H. Auden
itzulpena: Juanjo Olasagarre
1994, poesia
170 orrialde
84-86766-55-9
W.H. Auden
1907-1973
 
 

 

HISTORIA IZAN DADILA ENE JUJE

 

Egin genituen ahal ziren prestakuntza guztiak,

Konpainia zerrendak idatzi,

Etengabe berregin genituen kontuak

Eta etxaldea alokatu,

 

Espediente-agindu oro eman genuen

Afera antzeko hartan:

Gehienak, espero bezala, esaneko ziren,

Nahiz, jakina, marmarrak izan;

 

Oroz gain gure ihardueraren aurka

Gure iraintzeko eskubide zaharra:

Errebolta-saio gisako batzuk ere bai,

Baina umekeriak baino ez.

 

Zeren ez baitzaio inori

Benetako okerrik gertatu inoiz,

Ez baitzegoen bizitzerik

Irabazten ez bagenuen.

 

Orokorrean onartu ikuspuntuek

Estakururik ez dela erakusten dute,

Nahiz azken ikerketen argitara

Askok arrazoia

 

Aparteko izu era batean aurkitu;

Beste batzuk, maltzurragoak,

Hasiera hasieratik azpimarratzen dute

Okerraren posibilitatea.

 

Guri dagokigunez,

Ohorea geratzen zaigu gutxienez,

Eta gure ahalmenak azkenarte gordetzeko

Bidezko mentura.