—1873 Sara—

Belea eta axeria

Gratien Adema

            1

Jasan ahalikako

Zitzi bat mokoan

Belea zagon behin

Haitz baten kaskoan.

Axeria ihizin

Han gaindi bazohan,

Belea ikusirik

Trikatzen zaio han.

            2

Agur, Mus de Belea,

Zoin eder zaren zu!

Zure luma pullitaz

Liluratzen nauzu.

Kantua luma bezein

Eder ahal duzu?

Ai! entzun nahi nuke,

Othoi, kanta zazu.

            3

Koak-koak! arrai hasten da

Belea kantatzen,

Mokoa duelarik

Etxe bat largatzen.

Haragi puska zaio,

Lurrerat erortzen.

Axeriak ez zuen

Bertzerik asmatzen.

            4

Bazka atzeman eta

Dio beleari.

Ez gaitela, to, fida

Lausenkariari.

Ez zerbeit garelako

Gure usteari,

Xitxi hau zor derautak

Hitz on horren sari.