—1872 Sara—

Biligarroa piaian

Joanes Etcheto

                                1

Biligarro maite pollita, norat goaten haiz airean?

Zerk hola asaldatzen haute hire xedera goatean?

Trabak oso khenduak ditut goaten haiz bidean,

Aingeruak lagunduren hau, behar izaten denean.

                                2

Hire harat hunat orotan gogoan haut nik hi bethi,

Hire kanta aditzen diat eginik ere emeki,

Hire luma berexten diat bertzen artean errexki,

Norat nahi ibili hadin begiak zauzkaiat hiri.

                                3

Hire trebesia orotan hirekin nauk izpirituz

Beldurrez eta gaztaginek hezaten lumatik biluz.

Hori hola gerthatzen balitz ni hilen nindukek doluz,

Urrun hadi etsaietarik akhaba ez hadin damuz.

                                4

Hire goiti beheitietan izanen nauk bethi alde.

Laguntza behar dukanean, errak niri falta gabe,

Zonbait urhatsen egiteko ez nauk segur ni herabe,

Hire gatik egin nitzazkek ehun bat lekoa bedere.

                                5

Erne niagok ikusteko heia badukan etsairik,

Damu nikek izaten bahu hire piaian makhurrik

Zuzen bidean dabilana lagundua duk zerutik,

Oha beraz, ibili hadi, ez izan, othoi, beldurrik.

                                6

Biligarro maithagarria, erradak hire xedea,

Errak, othoi, eman dukanez nihori hire fedea,

Piaia hortan errak, othoi, zertan dabilak gogoa,

Hiretako tokiño hortan idekia duk athea!

                                7

Batasun zorionezko bat beira ziagok hiri funski,

Hire hegalak mugi zaizkik, egon gabe bethi nagi,

Orai egin behar dukana ez gerorakotz igorri,

Zeren geroa ez baitu Jaunak hemen agindu nihori.