—1869 Sara—

Ez du sosak egiten zinezko gizona

Gratien Adema

                  1

Arrozoin bat aspaldi aitaxok ziona,

Ez dik sosak egiten zinezko gizona,

Gizon zinezkoak hau da dohakona

Zuzentasun garbia eta bihotz ona.

                  2

Aberastuz geroztik Pattin zaiku jaundu,

Bainan aberasteak ez dik hanbat ondu,

Jainkorikan ez dela haltoki erran du,

Nahikariak dio sinhestea khendu.

                  3

Mundua kurriturik zerbeit ikusia,

Pattin koxkorro horrek badu erasia,

Gure fedeaz trufan dena fantesia,

Ibili den lekhutan deus ez ikhusia.

                  4

Pattinen arrozoinak baititu sinhetsi,

Moltsa dio norbeitek berari ebatsi,

Pattin, hire ohoinak zer lege dik hautsi?

Jainkorik ez zela hik hion irakutsi.

                  5

Huna Aparrapio aberats zikhoitza,

Harriz ala burdinaz othe du bihotza?

Karitate, obra on, edozoin emaitza...

Aiphamen xoilak aurdik lezake hil hotza.

                  6

Aberatsari ala haren diruari

Agurka gehienik zoini gare ari,

Agurra zor diogu gizon zuzenari,

Dirudun den bezala bihotzdun denari.