—1866 Sara—

Gizon gazte ezkondu nahia

Joanes Etcheto

Aire ezagutuen gainean

                        1

Bertsu emaile batek duela bi urthe,

Ongi aiphatu gaitu zenbait gizon gazte,

Bainan ez du laudatu hainitz andre gazte,

Ezkontzatik urrundu nahi ginituzke.

                        2

Donado egoterat gaitu gomendatzen,

Lehenik etsenplua berak du ematen,

Jaunaren ordenari du ihardokitzen,

Ikhasi behar luke zuhurki pentsatzen.

                        3

Hemen erranen diot ezkontza sainduaz,

Mundua publatzeko jaunak moldatuaz:

Bi espos onhetsiak badire zeruaz,

Edifikatzen dute beren etsenpluaz.

                        4

Beraz gazte lagunak ez gaiten lotsatu,

Guziek espos bana behar dugu hartu.

Tobiasen semea dugun imitatu,

Raphael aingeruak lagunduren gaitu.

                        5

Onheski mintza gaiten gure khidekoez,

Ongi erran dezagun gure haurrideez,

Ez dezagun arnega gazte amultsuez,

Detzagun edifika gure etsenpluez.

                        6

Kondizione hori da moien bakharra,

Lagun prestu batekin hel gaitzakeiena.

Holakoetan datza batasun leiala,

Jainko soberanoak hel araz gaitzala.

                        7

Bertso hauk eman ditut bai xede onetan,

Primaren emailea ber laudatzekotan,

Othoizten ditut beraz gazteak berritan,

Oro kanta detzaten haren ohoretan.

                      8

Ongi egile hori, primaren autora,

Eskual-Herri guzian ongi aiphatzen da,

Bertsutako gostua horrek da emana,

Zeruetako aitak sarizta dezala.