—1866 Sara—

Gizon gazte eskualduna

Auguste Etcheverry

Aire ezagutuaren gainean

                1

Lapurdi, Baxenabarre,

Zuberua erranik ere,

Ez naiz tronpatzen bat ere.

Eskualdun herriak dire,

Hirurak ganbio dire,

Mintzo moldeaz bedere.

                2

Eskual herriko zelhaiak,

Kurritu ditut guziak,

Eta oinez gehienak.

Horgo artho 'ta ogiak

Dire bai buruzagiak,

Ezin estimagarriak.

                3

Abantail horien gatik,

Jendea duzu pobrerik,

Dire behar hauzuetarik.

Guti da familiarik

Kito dena zorretarik,

Beharrak joa ez denik.

                4

Eskualdun gazteak oro,

Gaituzu bai arin xoro,

Eta kasik bethi erho.

Pilota jokuak diraino

Izanen gaituzu zoro,

Eta hauzuan zorra frango.

                5

Guk asko baia badugu,

Bestak maiz maite ditugu,

Libertitzia lakhet dugu,

Etxea ahanzten dugu,

Ezkondu nahi badugu,

Dote xumeak ditugu.

                6

Aziendaz mintzo naiz funski,

Larreak haz liro aski,

Gida bagineza ongi,

Eman gare jokoari

Eta deboxkeriari.

Nola bihurtu zorrari!

                7

Arreba maitea, kontu:

Ez, othoi, deboxik hartu,

Eginbidier beiratu.

Ez nola nahi ezkondu.

Deboxa hartzen baduzu,

Grinaz hil beharko duzu.

                8

Mundu huntako bizia

Labur da segur maitia,

Ez dut maite flatatzia.

Ez segitu kaprizia,

Errex duzu tronpatzia,

Segi bethi zuhurtzia.