—1860 Urruña—

Oi, ene semea...

Joanes Etcheto

        1

      Aitak

Oi, ene semea

Non duzu zuk gogoa?

Norat goaten zira

Zure dizipatzera?

Ez zaitela tronpa.

Ez etare unha:

Zure aita da ona

Segi zazu hura,

Zuhurra bazira

Urus izanen zira.

        2

      Semeak

Oi, ez, nere aita,

Ez da ez zure falta,

Hainitz zira ona,

Eta pare gabea.

Hartu dut xedea

Uztea etxea;

Bearko dut phartea,

Oi zure uztea

Ez da prudentzia!

Hola dut nik suertea.

        3

      Aitak

Bai, seme maitea,

Nahi duzu parthea,

Diozu holha dela

Segur zure xedea,

Har zazu zuzena,

Etxeak zor dautzuna.

Oi, bai neure maitea!

Zuazi bilhatzera

Desira duzuna,

Bai, egizu fortuna.

        4

      Semeak

Adios, beraz, aita,

Baita neure etxea.

Ez da zuen falta

Balin badut suertea,

Aiskiden uztekua

Bai urruntzekua;

Norapait gaitekua.

Ez dakit zer pentsa

Eta zer bilhaka:

Etsaiak naramatza.

        5

      Aitak

Oi, bai neure Jainkoa,

Zer da neure dolua!

Oi, bai ume gaixua

Juana dut desertura!

Ene bihotz mina

Bai eta xangrina

Guziz handiak dira.

Galdu da umea

Segurki maitea:

Ez dakit norat beha.

        6

      Semeak

Zeru eta lurra

Zer da neure malurra!

Jin naiz desertura

Gosez akabatzera.

Goanen naiz etxera

Aita othoitz bera

Emaiteaz jatera.

Hartuko dut hura

Oi, nagusi ona!

Ez uzteko sekula.

        7

      Aitak

Oi, zer zoriona

Niri ofritzen dena!

Hemen dut semea

Segur gibelat jina

Uzten dut dolua

Bai eta xangrina

Hartzeko bozkariua.

Neure zoriona,

Oi, ene jaun ona!

Guziz da handiena.

        8

      Semeak

Huna, ene aita,

Zure haur errebela.

Jina zure gana

Zure sehi deitzera.

Jana dut partea,

Etxeko zuzena,

Ene aita maitea,

Ni naiz malhurusa,

Bai tristeziazkua!

Galdu dut zure izena.

        9

      Aitak

Zato, seme maitia,

Har zazu zure plaza,

Neure umia zira,

Ez zaut sobera beraz sobera.

Ene seme deitzia,

Zu dretxuan ezartzia,

Etxean goardatzia.

Errendatu zira,

Osasunian zira,

Bozkariuetan gira.