—1860 Urruña—

Dantzaria

Leon Elissamburu

Airea: Orzirale arraxian Garruzetik yin ninduyan, etc.

                1

Hu-pa, muthillak lorian

Nola xoriak airean'

Heldu nauk zuen erditan,

Rau, riu, rau, rata-plau, rau, riu, rau

Heldu nauk zuen erdian,

Besta baitugu herrian.

                2

Hu-pa, alegera gaiten

Soinua hari da joiten!

Joan gaizkola du erraiten

Rau, riu, etc.

Joan gaizkola du erraiten

Urthean behin bederen.

                3

Hu-pa, huna beraz, plazan,

Aurthen ez baikinen izan!

Oro hari gaituk dantzan

Rau, riu, etc

Oro hari gaituk dantzan,

Zaharrak gaztekin baltsan.

                4

Hu-pa, arreba Kattalin

Orai, ez dun, buruan min

Badabiltzan oinak arin!

Rau, riu, etc

Badabiltzan oinak arin!

Tunpaka ongi badakin.

                5

Hu-pa, Maria, atzo hi

Ohetik ez hintzen jeiki,

Lanean hartzeko eri,

Rau, riu, etc.

Lanean hartzeko eri,

Egun gurekin dantzari!

                6

Hu-pa, hik soinularia

Ardura duk egarria

Hi ere gu iduria!

Rau, riu, etc.

Hi ere gu iduria,

Okasionez balia!

                7

Hu-pa, gur'etxean, ama,

Oilasko hiltzen hari da!

Arnoak ez diro falta,

Rau, riu, etc.

Arnoak ez diro falta,

Bizi bada gure aita

                8

Hu-pa, ama ez dut nahi,

Khorda eman lephoari,

Gazte nahi naiz ibili,

Rau, riu. etc

Gazte nahi naiz ibili,

Ezkontzaz ez aipha niri!

                9

Hu-pa, etxean bi andre

Gerla bizia laiteke;

Mokhorra, ama zu ere!

Rau, riu, etc.

Mokhorra, ama zu ere

Bake onik ez ginuke.