—1858 Urruña—

Eskualduna

Jean Baptiste Larralde

Airea: Ene izar maitia

              1

Oi! Frantziako untzia,

Mila lanjerretan,

Trebeska zen jarria,

Itsas-hautsietan,

Lema kasik utzia,

Bai, galtzerat zohan

Napoleon handia

Ez balitz han izan.

              2

Jaun horrek zabalerat

Untzia pusatu,

Hiriskutik kanporat

Urrun egorri du,

Orai bela bethean

Haizez lagundua,

Dabila popa-airean,

Ungi gidatua.

              3

Zorigaitzean gauzak

Denborak higatzen,

Gizonik handienak

Harren trabek hartzen,

Horla beraz untzia

Ez da mendetako,

Helas! ez gidaria

Gazte arin bethiko.

              4

Nahiz berri tristea

Ez izan beldurrik,

Huna nun den semea,

Aitaren ondotik,

Eskualdun bat denean

Leman ezarria

Bai, nahiz tirainpean,

Ungi zoak untzia.

              5

Horrela aintzindaria,

Eskuetan dugu,

Phuskatzen bada untzia

Gai onak baitugu,

Gernikako haritzak,

Haurraz orhoiturik

Bere adar hoberenak

Ematen gogotik.

              6

Untzi pare gabea,

Segi beraz bozik,

Nekhe duk higaltzea,

Egunaz segurik,

Bethor gau ilhunena,

Bardin hiretako,

Izarrik ederrena

Hor duk argitzeko.

              7

Othoitz egin dezagun

Denek Jainkoari,

Eman diotzan lagun

Gure printzeari,

Bere armada guziak

Dohain guziekin

Izan dezan Frantziak

Indar etsaiekin.