Bildumaren zerrendara itzuli Idazle beraren beste lanak


LIBURUARI BURUZKO
KRITIKAK

EROSI LIBURUA
E-BOOK FORMATUAN

 


 

GURE HITZAK

 

 

hiztegietan ez diren arren

zure hitzak niretzat

asmatuak zoroak konplizeak

nire hitzak zuretzat

 

esan berriz esan

ez daitezela ahaztu

ez daitezela gal

 

kode zifratu intimo bat

zentzurik gabea elkarrentzat ez bada

lotsagarria gu ez beste inorekin baliatzeko

 

zineman lo geratu nintzenean

pantailako pertsonaiak oihukatzen zuen izenaz

deitzen nauzu biok autoan biok etxean gaudenean

nik diminutiboak eta bustidurak ditut zuretzat

 

esan berriz esan

ez daitezela ahaztu

ez daitezela gal

 

hitz horiek hondartzako gauez ari dira

hitz horiek gu esan nahi dute samur

hitz horiek elkarrekin gauden artean iraungo dute

 

 

 

© Jon Benito

 


www.susa-literatura.eus