AITA HIZKUNTZA
Nire hizkuntzak
ez du aita ulertzen,
baina ulertzen dut aita.
Nola da nire,
nola gure,
aitarekin baliatu ezin dudana?
Nire hizkuntzak,
norekin,
ez du zubi egiten.
Nire hizkuntzak
jende gutxirekin ulertarazten nau
gehiagorekin inkomunikatzeko.
Nire hizkuntzak
gutunak atzeratzen ditu,
kartzelako patiokoa da.
Nola lotzen gara
ama hizkuntza ez bada
aitaren hizkuntza?
© Jon Benito