|
Zuretzat espreski idatzi eta inprimatutako liburuak dira hauek. amukoak bildumako liburuak doan jasoko dituzu Susaren web guneko dendan erositako liburuekin batera. | |
|
|
"Harresi ostean pareta" Erramun Landa / Koldo Izagirre (grabatuak / poemak) 36 orrialde Salvador Puig Antich 25 urteko anarkista kataluniarra garrotez exekutatu zuten 1974ko martxoaren 2an. Erramun Landak Harresi ostean pareta erakutsi zuen Bartzelonako MX Espai galerian 2007ko urrian, Koldo Izagirrek propio idatzitako hamar poemez ederturik. 
|
|
|
"Umoreari buruzko gogoeta" Jon Alonso (saiakera) 36 orrialde 2002ko apirilean Eskoriatzako Unibertsitatean umoreari buruzko hitzaldia eman zuen Jon Alonsok. Orduko hartan esandakoak bildu ditugu liburuxka atsegin honetan.
|
|
|
"Orbel zaku bat" Jon Benito (poemak) 32 orrialde Jon Benitoren hamabi poemok Xabier Gantzarainen collage-irudiez hornituta datozkigu. Poeta zarauztarraren azken-azken tenoreko emaitza.
|
|
|
"Beagle itzuli zuan, Martin" Iñigo Aranbarri (narrazioa) 32 orrialde Darwin 1832an iritsi zen Cabo Verdeko Praiara Beagle ontzian. Iñigo Aranbarrik ere handik idazten dio Martin delako bati, beti etxetik kanpo dabilen horri.
|
|
|
"Isilik doaz urak" Jokin Urain (poemak) 32 orrialde Erbeste arrotzetik iritsitako hamazortzi poema hauek irakurri ostean, oihartzun mehe baina luze bat geratu zaizu trabatuta, ezin askaturik, kondena bat bezala.
|
|
|
"Amodio gaiztoen liburua" Pako Aristi (poemak eta narrazioak) 40 orrialde Amodioak eta erotismoak janzten du Pako Aristiren AMODIO GAIZTOEN LIBURUA, lau poema eta hiru ipuinez.
|
|
|
"Songs from Ithaka" Itxaro Borda (narrazioa) 44 orrialde Ulises Ithakara bezala, uhartera abiatu da Itxaro Borda. Harantz bidaian doanak entzungo ditu doinu hauek: SONGS FROM ITHAKA.
|
|
|
"Ahotsa da gizakien sukaldea" Harkaitz Cano (narrazioa) 40 orrialde Elkarrizketen bitartez ezagutzen dugu elkar? Harkaitz Canorentzat AHOTSA DA GIZAKIEN SUKALDEA. Hemen duzu gidoi baten lehen berbaroa.
|
|
|
"Lisboa min" Xabier Gantzarain (irudi poemadunak) 32 orrialde Lisboako turismo-gida oinarritzat harturik, Xabier Gantzarainek irudizko eta poemazko bisitaldi berria proposatzen digu LISBOA MIN koaderno bitxi honetan. 
|
|
|
"Euskal Herriko balneario batean" Koldo Izagirre (narrazioa) 32 orrialde EUSKAL HERRIKO BALNEARIO BATEAN otorduan ari da jendea, imintzo aristokratikoak itxuratzen. Koldo Izagirreren ipuinaren hasiera duzu hau.
|
|
|
"Euskalduna revisited" Edorta Jimenez (poemak) 40 orrialde Bilboko ontziola zen Euskalduna lehen, jauregi baten izena orain. EUSKALDUNA REVISITED honek ematen die izenburua Edorta Jimenezen hamazortzi poemei.
|
|
|
"Poema politikoak" Jose Luis Otamendi (poemak) 44 orrialde "Ardura pertsonala eta kolektiboaren itzala eta abaroa bilatu duten hitzak jarri ditut lerro-lerro" gaztigatu digu Jose Luis Otamendik POEMA POLITIKOAK liburuan.
|
|
|
"Euria ari du" Juan Luis Zabala (narrazioak) 44 orrialde Juan Luis Zabalaren EURIA ARI DU liburuak zazpi ipuin eurizko dakartza: Manchester, Lisboa, Paris, Carabanchel, Pontevedra, Perpinyà...
|
